لکھنؤ،30؍اگست(ایس او نیوز؍آئی این ایس انڈیا)اتر پردیش میں وزیر اعلی یوگی آدتیہ ناتھ سمیت 5وزراء کے قانون ساز کونسل کے رکن بننے کا راستہ تقریبا صاف ہوگیا ہے۔الیکشن کمیشن نے پہلے صرف چار نشستوں کے انتخاب کا اعلان کیا تھا لیکن منگل کو رات میں اس نے انتخابی پروگرام کی ایک اور نشست کا اعلان کیا۔اس کے ساتھ بی جے پی کے تمام پانچ وزراء اب قانون ساز کونسل کے ارکان بن سکتے ہیں۔
بی ایس پی ایم ایل سی ٹھاکر جے ویر سنگھ کے استعفی سے خالی ہوئی سیٹ کے لئے بھی کمیشن نے انتخابات کے پروگرام کا اعلان کر دیا ہے۔اس نشست کانوٹیفکیشن بدھ کو جاری ہوا، 7ستمبر تک نامزدگی داخل کی جائے گی اور 18ستمبر کو ووٹنگ ہوگی۔وزیراعلی یوگی آدتیہ ناتھ کے علاوہ نائب وزیر اعلی کیش پرساد موریہ اور وزیرسوتنتر سنگھ ، ڈاکٹر دنیش شرماکیلئے 18ستمبر سے پہلے اسمبلی یا قانون سازی کونسل کا رکن ضروری ہے۔6 نشستیں حزب اختلاف کی جماعتوں کے لیڈران نے خالی کی لیکن کمشنر نے فیصلہ کیا تھا کہ صرف چار نشستوں میں انتخابات کیے جائیں گے۔
ٹھاکر جے ویر سنگھ اور امبیکا چودھری کی مدت ایک سال سے کم ہونے کی وجہ سے کمیشن نے ان سیٹوں پر پروگرام کا اعلان نہیں کیا تھا۔یوگی حکومت نے اس بارے میں الیکشن کمیشن میں شکایت کی تھی ۔کمیشن نے حکومت کی رپورٹ کو قبول کرتے ہوئے ٹھاکر جے ویر سنگھ کی خالی نشست پر انتخابات کرانے کا فیصلہ کیا ہے۔کمیشن کا فیصلہ یہ ہے کہ تقریبا پانچ افراد ایم ایل سی بننے والے ہیں۔
